Sequoiadendron giganteum

Jatorria:

Banaketa naturala oso txikia da Sierra Nevadako mendebaldean (Kalifornia).

Ezaugarri nagusiak:

Sekuoia erraldoiaren azala zuntzezkoa eta oso lodia da. Suaren aurkako babes ona ematen die zuhaitzei. Hostoak iraunkorrak dira.

Zura:

Deskonposizioarekiko erresistentzia handia du, baina zuntzezkoa eta hauskorra da, eta horrek baztertu egiten du eraikuntzarako.

Bitxikeriak:

Munduan bolumen handiena duen landare-organismoa.

Planetako alerik zaharrenak 3.200 urte ditu. Jatorrizko habitatean ugaltzeko zailtasunak dituzte, eta aldian behingo sute kontrolatu bat behar dute ernamuin arrakastatsua lortzeko.