Kontaktua Berriak EGURRAREN ASTEA

Balioa ematen diogu basogintzaren (egurra) sektoreari eta gizartearen, ingurumenaren eta ekonomiaren jasangarritasunaren alde egiten duen apustuari

Egurraren Euskadiko Elkartea gara

Basogintzaren (egurra) sektorea ordezkatzen duen elkarte profesionala da Baskegur, eta, orobat, gure sektorearen eta hari lotutako industrien topaketa organo boluntarioa eta kontsulta zentroa da. Baskegurrek balio kate osoa hartzen du: basoen jabetza, baso zerbitzuetako enpresak, errematatzaileak, lehen eraldaketako enpresak (zerrak eta enbalajea), pastaren eta paperaren industria, bigarren eraldaketako enpresak (altzariak, egitura, arotzeria, etab.) eta, katea ixteko, bioenergiaren alorreko enpresak.

Lankidetza eta aholkularitza zerbitzuak, kontsultak eta orientazio zerbitzuak eskaintzen ditugu, besteak beste, basoen kudeaketari eta euskal egurraren industria hobekuntzari dagokienez. Sektoreko enpresen arteko elkarlana bultzatzen dugu, haien lehiakortasuna eta nazioarteko merkatuetan duten presentzia hobetzeko helburuarekin.

Beste eragile publiko eta pribatu batzuekin batera lan egiten dugu Euskadiko Basogintzako Bioekonomia Zirkularraren garapenean, eta, horretarako, berrikuntza eta ikerketa proiektuetan parte hartzen dugu eta horietako lider gara.

Zure enpresa Baskegur Elkarteko kide izatea nahi duzu? Kontsultatu bazkide izatearen abantailak

Harremanetarako