Albizteak · Nazioartekotzea

Baskegur Carrefour International du Bois 2026an izango da

2026ko ekainaren 2tik 4ra, Euskadiko Egurraren Elkarteak enpresa-misio bateratuan parte hartuko du Nantesen, Frantziako hirian egingo den Carrefour International du Bois 2026 azokan. Bi urtez behin egiten den ekitaldi hau Europako baso- eta egur-industriarentzat erreferente nagusietako bat da.

Baskegurrek, erakusketa-gune propio baten bidez, Euskadiko baso-egurraren sektorea nazioartekotzea bultzatu nahi du, lehen eta bigarren eraldaketako gure produktuen kalitatea eta aniztasuna munduari erakutsiz. Era berean, aukera paregabea izango da gure enpresentzat estrategikoa den merkatu batean merkataritza-harremanak sendotzeko.

Baskegurren standa Carrefour International Du Bois 2024ko edizioan

Misio honek Eusko Jaurlaritzako Nekazaritza, Arrantza eta Elikagai Politikako Sailburuordetzaren babesa du.

Carrefour International du Bois-en azken edizioan, Baskegur-ek parte hartu zuen, 40 herrialdetako 637 erakusketarik eta 14.000 bisitari profesional baino gehiagok bildu ziren.