Ezagutu gure sektorearen errealitatea

• Euskadi, baso herrialde bat

  Euskadin, zuhaitzez estalitako azalerak lurraldearen %55 hartzen du gutxi gorabehera, 398.556 hektarea hain justu; EBko ratio handienetako bat da.

  Egur izakinak (7 cm-ko diametrora arteko bolumena) 74 milioi m3-koak dira; horietatik %29,1 radiata pinuari dagozkio, eta %17,4 pagoari. Urteko hazkunde zenbatetsia 3,2 milioi m3/urtekoa da, eta azken bost urteetan ateratako egurraren urteko batez besteko bolumena 2 milioi m3-koa da.

  Euskadiko egurraren basogintza-sektorea etengabeko hobekuntzarekin eta iraunkortasunarekin konprometituta dago, eta baso-kudeaketa jasangarriari buruzko PEFC eta FSC ziurtagirien aplikazioaren hazkunde orokortuan islatzen da.

  Zuhaitzez estalitako azaleraren 55% Euskadin

  EGURRAREN EUSKAL SEKTOREA KONPROMETITUTA DAGO IRAUNKORTASUNAREKIN. MOZTEN DENA BAINO GEHIAGO DA LANDATZEN DENA; HALA, EGURRA BALIABIDE AGORTEZINA DA.

• Nola banatzen dira gure espezieak?

  BASO AZALERAREN BANAKETA

  2025eko Euskadiko Baso Maparen arabera, hostozabalekiko zuhaiztien ehunekoa pixkanaka handitzen doa, gaur egun zuhaitz guztien % 58ra igoz, eta horien artean, hostozabal autoktonoek estalitako azalera % 42tik gorakoa da. Koniferoen ehunekoa % 42 da.

  MOZTEKO/ERAUZTEKO BAIMENAK

  Radiata pinua da erauzketa komertzialen zatirik handiena, 2023an baimendutako mozketa guztien % 76rekin. Gainerako koniferoen erauzketak % 11 dira eta eukaliptoarenak % 12.

  HOSTOTSUAK
  KONIFEROAK

• Sektorearen eragina ekonomian

  Euskadiko Egurraren Behatokiaren 2023ko txostenak adierazten duen bezala, basoen, egurraren, paperaren eta altzarien balio-kateak ia 19.000 lanpostu sortzen ditu, hau da, euskal manufaktura-industriaren %9,6 2019an.

  Behatoki horren arabera, EAEko egurraren, kortxoaren eta altzarien enpresen jarduerak 845 M €-ko BEGat (Balio Erantsi Gordina faktoreen kostuan) bat sortu zuen 2022an, hau da, EAEko manufakturaren guztizko BPGaren %5,6.

  Enpresa txikiak dira nagusi egurraren enpresa ehunean. Euskadin, %92,4 enpresa txikiak dira, %7,3 ertainak eta %0,3 soilik handiei dagokie.

  Euskal enpresek tokiko egurraren aldeko apustua egiten dute, baso-egurraren sektorearen garapena sustatuz. Izan ere, euskal enpresek erabiltzen duten egurraren %70 Euskadiko basoetatik dator, eta benetako Km0 sustatzen du.

  EAEko enpleguaren% 2,42

  EUSKAL ENPRESEK ERABILTZEN DUTEN EGURRAREN % 70 EUSKADIKO BASOETATIK DATOR. ERA HORRETARA SUSTATZEN DIRA BENETAKO 0 KM IZAERA ETA SEKTOREAREN GARAPENA

• Onurak ingurumenean

  Basoak biodibertsitateari eusten dioten ekosistemak dira, funtsezkoak gizakien ongizatearentzat. Biodibertsitatearen, uraren eta lurzoruaren babesaren edo karbonoaren finkapenaren euskarriak dira.

  Euskal basogintza-sektoreak basoak zaintzen ditu, birlandatzen ditu eta zuhaitz-azalera handitzen du, ingurumenari mesede egiten dio eta berotze globala saihesten laguntzen du.

  Ondasun iraunkorren ekoizpenean, arotzeriari edo eraikuntzari lotutako ekoizpenean esaterako, egurraren erabilera sustatuz gero, CO2 eraginkortasunez biltegiratzeaz gainera, alde batera uzten dira gaur egun gehiago erabiltzen diren eta fabrikazio prozesuan karbono asko isurtzen duten beste material batzuk, esaterako hormigoia, altzairua, aluminioa eta PVCa.

  Horrez gainera, hobekuntza hori handiagoa da inportatutako egurraren ordez bertako egurra erabiltzen bada, era horretara, murriztu egiten baita garraioari lotutako karbono arrastoa; hortaz, lagundu egiten zaio aldaketa klimatikoa arintzeko zereginari.

  Beroketa globalaren kontrako basoak

  

  BASOGINTZAREN EUSKAL SEKTOREAK BASOAK ZAINDU ETA BIRLANDATZEN DITU, ETA ZUHAIZTIEN AZALERA HANDITZEN DU. ERA HORRETARA, BEROKUNTZA GLOBALA SAIHESTEN LAGUNTZEN DU.