Baskegurrek Bioterra 2026an parte hartuko du
Baskegurrek Bioterraren hurrengo edizioan izango dela baieztatu du. Bioterra energia berriztagarrien, kontsumo arduratsuaren eta produktu ekologikoen inguruko erreferentziazko euskal hitzordua da, eta Ficoban (Irun) egingo da, ekainaren 5ean, 6an eta 7an.
Energia berriztagarriak, bioeraikuntza, kontsumo arduratsua eta osasun holistikoa izango dira Bioterraren 23. edizioaren lau ardatz nagusiak. “Irauten duena lantzen dugu” lelopean antolatuko da, eta azoka-esparruko hiru pabiloi hartuko ditu.
Baskegurentzat, Bioterra urtez urteko ezinbesteko hitzordua da. Bere standean, Euskadiko Egurraren Elkarteak ekonomia berdeago baten aldeko apustuan egurrak duen garrantzia azpimarratuko du, eta lehen eta bigarren transformazioko euskal enpresek egindako produktuak erakutsiko ditu. Era berean, Euskadiko baso-zuraren sektoreak baso-kudeaketa jasangarria sustatzeko egiten duen apustuari lotutako ekintzen berri emango du.
Azken sei edizioetan, Euskadiko ECO azokak batez beste 113 enpresa erakusketari eta 9.500 bisitari baino gehiago izan ditu. Aurtengo edizioan, publiko profesionalari zuzendutako ekintza bereziak egingo dira; horien artean, hurbileko merkataritza espezializatua erakartzera bideratutako ekimena eta mugaz gaindiko topaketa profesionala. Horrez gain, hitzaldiak, mahai-inguruak, publiko guztiei zuzendutako tailerrak eta eskaintza gastronomiko zabala izango dira. Halaber, olioaren, ziurtagiri ekologikoa duten gazten eta kosmetika ekologiko ziurtatuaren inguruan dinamizatutako eremu tematikoak ere izango dira.