Gaixotasunak dituzten sailen osagarri diren espezieen diagnostiko fitosanitarioa
Baskegurrek eta Neikerrek diagnostiko fitosanitario bat garatu dute Kantauri isurialdean gaixotasunak dituzten baso landaketen osagarri diren espezieekin. Ekintza hau GO Koniferas+ proiektuaren barruan kokatzen da.
Baskegurren lehentasunetako bat, azikula-banden gaixotasunek eragindakoen osagarri diren espezieen inguruko ezagutza zabaltzea da, arreta berezia jarriz Kantauri aldeko mendietara egokitzeari, gaixotasunekiko tolerantziari eta sektore osorako intereseko lehengaiak sortzeko gaitasunari.
Azikulen bandek erasandako Larizio pinuaren landaketa.
Horri dagokionez, GO Coniferas+ proiektuan Baskegurrek espezie osagarrien (Pseudotsuga menziesii, Pinus taeda, Pinus elliottii, Picea sitchensis eta Sequoia sempervirens) diagnostiko fitosanitarioko jardueraren ardura du, eta hura garatzeko NEIKER, Nekazaritza Ikerketa eta Garapenerako Euskal Erakundea, kontratatu du.
Neiker eta Baskegurreko kideak, folioko gaixotasunek jotako Douglas izei-masetan laginak biltzen
Erakunde honek, baso-osasunari buruzko ezagutza zabala eta sakona du, eta espezifikoki pinu-masen gaixotasunak kontrolatzeko alternatibak bilatzeko ikerketa-proiektu oso bat garatzen du, duela urte batzuetatik hona pinu-banden gaixotasunaren ezohiko egoeraren aurrean indartua.
GO Coniferas+ proiektuaren helburua basozainei, administrazioei eta industriei konifero-espezie oparoenei buruzko ezagutza zabaltzea da hainbat gairen inguruan, hala nola haien kudeaketa, prozesatzea, produktuen eraldaketa, erresilientzia ekologikoaren hobekuntza eta konifera interesgarrien baso-osasuna eta haiekin lotutako dibertsitatea.
Kriptomeria japoniarreko eta Douglas izeiko landaketak, horien gainean laginak hartu dira aztertzeko.
Azikulen gaixotasunek aurrera egiteak ahuldu egiten ditu zuhaitza eta haren hazkundea.
Sektore osoak, baso-jabeengandik hasi eta egurraren eraldaketa-industriaraino,
interes handia du Kantauri isurialdeko gaixotasunekiko osagarriak diren espezieei buruzko ezagutza handiagoa izateko.