BASKEGURREK BAT EGITEN DU GIPUZKOAKO SEKTOREAREN ALDE EGINDAKO MOBILIZAZIOAREKIN
Martxoaren 1ean, Baskegurrek bat egin zuen, beste 45 erakunde sektorialekin batera, Gipuzkoako Baso Elkarteak eta EHNE eta ENBA sindikatuek Gipuzkoako lehen sektorearen alde egin zuten mobilizazioarekin.
Gipuzkoako gizartearen eta ordezkari politikoen aurrean sektore honen jardueraren aitorpen sozial eta publikoaren beharra aldarrikatu zen.
Hauek izan ziren, besteak beste, Lurraldeko Batzar Nagusien egoitzaren aurrean agertutako gaiak:
❇️ Ingurumen Administrazioari buruzko Legearen aldaketa, basoen kudeaketan zerga eta izapide administratibo nabarmenak sartzen dituena.
❇️ Interes kulturaleko eremutzat eta Natura 2000 sarean dauden ustiategietarako eta basogintzarako aurreikusitako konpentsazio-ordainketak onestea.
❇️ Lehen sektoreak ekarritako ekosistema-zerbitzuak kapitalizatzeko, basoberritzeak sustatzeko eta abandonua saihesteko zerga-erregulazioa sustatzea.
❇️ Gipuzkoako Foru Aldundiak basogintzan duen eskumena aldarrikatzea, udalen jardueraren aurrean defenda dezan.
❇️ Erakundeen arteko laguntza banda marroiaren ondorioen aurrean.
❇️ Etxebizitza eta erosketa publikoko sustapenetan zura erabiltzeari lehentasuna ematea, bai eta eraikin publikoetan biomasa energia berriztagarri gisa erabiltzeari ere.