WOODFACE
| Logoak |  |
|---|---|
| Izena | WOODFACE: Etxebizitza-eraikinetako blokeetarako egurrezko etxe-aurre industrializatuak |
| Finantzaketa | Eusko Jaurlaritzako Lurralde Plangintza, Etxebizitza eta Garraio Sailak finantzatutako proiektua.
Guztira: 166.057,02€ |
| Proiektuaren iraupena | 22 hilabete
|
| Webgunea | Ez dago |
| Sare Sozialak | Ez ditu |
| Laburpena | WOODFACE proiektuak tokiko egurrezko bilbadura-egituran oinarritutako etxe-aurreko panel industrializatu bat garatu nahi du, ohiko egitura masiboa duten etxebizitza-eraikinetan erabiltzeko.
Eraikuntza industrializatu batera iristeko prozesu guztiak landuko dira, BIM lankidetza-ingurune batean diseinatzetik hasita. Ingurune honetan, hasierako faseetatik hasita, tailerrean fabrikatzetik eta obran jartzetik eratorritako betekizunak bilduko dira, bizi-zikloaren azterketaren ikuspegitik. Proiektuaren helburu berritzailea da eraikuntza-konponbide aurreratu bat lortzea, bere ezarpena bideragarria izan dadin gure herrialdeko ohiko eraikuntza gehienetan. Aldi berean, proiektuak balio-katearen integrazio digitalerako estrategia bat ezarriko du, etxe-aurrearen konponbidearen diseinuarekin, fabrikazioarekin eta instalazioarekin lotuta; integrazio hau bat etorriko da 4.0 Industriaren aginduekin. Lortzen den panelak lehiakorra izan behar du ekonomikoki, eta tokiko produktuekin egina; hala, eraikuntza-konponbide industrializatu eta estandarizatua hormigoizko eta altzairuzko obra masiboetan instalatu ahal izango da, ingurumen-jasangarritasun handiagoa txertatuz eta obrak egiterakoan aldaketa drastikorik eragingo ez duena. Proiektuak, halaber, aukera ematen du Euskadiko egurraren balio-katea egituratzeko eta indartzeko, merkatu-potentzial handiko etxe-aurre konponbide modularraren inguruan, baliabide naturalen ustiapenari lotutako balio erantsia handituz eta kualifikazio handiagoko enplegu-eskaria sortuz. |