Kontaktua Berriak Proiektuak EGURRAREN ASTEA

Egurra finkatu egiten da etorkizuneko hiriak eraikitzeko material bezala

Egurra finkatu egiten da etorkizuneko hiriak eraikitzeko material bezala

Baskegurrek Euskadiko Egurraren VIII. Astea antolatzen du BECen, eta ekitaldi honek Egurtek sartzen du bere egitarauan, hau da, Egurrezko Eraikuntzaren Nazioarteko Foroa

Euskadiko Egurraren Astea urriaren 17tik 23ra bitartean egingo da, eta bertan bereziki azpimarratuko da material jasangarri eta berriztagarrien gorakadak sektoreari dakarkion aukera, besteak beste eraikuntza edo bilgarrien alorretan.
Baskegurren ekimen bat da, Eusko Jaurlaritzako Nekazaritzako, Arrantzako eta Elikagai Politikako Sailburuordetzaren eta Hazi Fundazioaren sostengua duena, eta baita Bizkaia, Gipuzkoa eta Arabako foru aldundien sostengua ere.
Astearen helburua bikoitza da: gizarteari erakustea Euskadik – baso-herrialdea den aldetik – ingurumenaren iraunkortasuna bateratzeko gai den sektore bat izateak duen garrantziaz, baita lurraldearen eta landa-eremuen egituraketan aberastasuna eta laguntza sortzen duen jarduera ekonomikoa sustatzeaz ere. Halaber, topagune moduan funtzionatu nahi du profesionalen sarearentzat, haien prestakuntza eta trebakuntza hobetzeko eta Baskegurrek erreferentziazko europar proiektu batzuetan egiten duen lana ezagutzera emateko, besteak beste alor hauetan: egurrezko eraikuntza; enpresek erosten duten egurraren legezkotasuna eta trazabilitatea; basokudeaketa jasangarria; eta digitalizazioa.

Sare sozialetan zabaltzeko bideoek eta aurrez aurreko jardunaldiek aste bizia hartzen dute, urriaren 17an, astelehena, hasiko dena, “Egurraren Euskal Behatokia”-n jasotako datuen aurkezpenarekin. UPV/EHUko Ekonomia Fakultatearekin elkarlanean egindako dokumentuak sektoreko magnitude nagusiak jasotzen ditu. Euskadiko zuhaitz-azalerak lurraldearen % 55 hartzen du gutxi gorabehera, 395,972 hektarearekin, eta Europar Batasuneko ratiorik handienetako bat da. Basogintzako, zurgintzako, papergintzako eta altzarigintzako sektorearen balio-kateak ia 19.000 pertsona enplegatzen ditu, eta euskal manufaktura-industriaren % 9,6 da. Gainera, euskal enpresek tokiko egurraren aldeko apustua egiten dute eta km0 produktuaren % 70 baino gehiago erabiltzen dute, gehienak PEFC eta FSC bezalako jasangarritasun-ziurtagiriekin.

Bi enpresak parte hartuko dute Zuraren Asteko bisita birtualetan, beren ekoizpenprozesuak eta egiten dituzten materialak erakusteko. Lehenengoak Zuhaizkiren lana ezagutzeko aukera emango digu. Gipuzkoako arotzeria bat da, Leaburun dagoena, eta kanpoalderako irtenbideetan, zurezko eskaileretan eta armairu elektrikoetan espezializatuta dago. Passivhaus ziurtagiriak ditu zenbait produktutan, hala nola leihoetan. Lantaronera (Araba) Baskegurreko ikus-entzunezko taldea joango da, American LH enpresaren zurezko eraikuntza industrializatuko prozesuekin ohitzeko,
bai sare arinarekin, bai CLTren erabilerarekin. Passivhaus partzuergoaren irizpideei jarraituz, eraikuntza jasangarriaren sustapenean gero eta zentratuago dagoen enpresa
da.

Baskegurrek Euskal Autonomia Erkidegoko baso-zuraren sektorearen balio-kate osoa ordezkatzen du, eta, beraz, astean ezin dira falta sektoreko gainerakoek – errematatzaileek, zerrek eta lehen eta bigarren eraldaketako enpresek – material berriztagarria eta km0 (hurbileko zura) izatea ahalbidetzen duten gizonen eta emakumeen testigantzak. Baskegurrek mendiko testigantzak, belaunaldien arteko erreleboa eta basoen kudeaketa-ereduak bilduko ditu..
Baskegur-en webguneak atal zabala izango du berriro, Astearen nondik norakoak online jarraitu ahal izateko. Baso-jabetzaren testigantzak jasotzen dituzten bideoez eta npresetarako bisita gidatuez gain, aurrez aurreko jardunaldien laburpenak dituzten ikus-entzunezkoak txertatuko dira.

Egurtek, egurrezko eraikuntzari buruzko Europako hegoaldeko topagune nagusia Sortu zenetik, Baskegur Egurteken batzorde antolatzaileko kide izan da, baita funtsezkoa abian jartzeko eta sendotzeko ere. Zurezko Arkitektura eta Eraikuntzaren Nazioarteko Foroaren hitzordu berria urriaren 19tik 20ra izango da. Mundu osoko zurezko arkitekturaren izen ospetsuak dituzten ponentziez gain, Euskadiko Zuraren Elkartea arduratzen da sektoreko profesionalei zuzendutako Jardunaldi Teknikoak antolatzeaz.

Urriaren 19an, asteazkenean, “Euskadiko Baso Bioekonomia Zirkularraren Estrategia”- ren barruan abian dauden proiektuak aurkeztuko dira, Bittor Oroz Nekazaritza,
Arrantza eta Elikagai Politikako sailburuordea bertan dela. Era berean, Basajaun europar proiektutik lortzen ari diren fruituak ere ezagutaraziko dira. Proiektu horren helburu nagusia zurezko eraikuntza-kateak optimizatzea da, landa-munduaren eraldaketa eta hiri-eraldaketa bultzatzeko, eta, era berean, baso-kudeaketa iraunkorra sustatzeko. Saioa zuzenean emango da Baskegurreko youtube kanalean.

Urriaren 20an, osteguna, BEHS (Baso Egur Hezkuntza Sarea) izeneko baso-zuraren sektorerako prestakuntza integraleko proiektua ezagutarazteko unea izango da. Sare horrek enpresen, unibertsitateen, ikerketa- eta lanbide-heziketako zentroen lana bateratzen du, Euskadik etengabe hazten ari den industriak eskatzen dituen etorkizuneko profesionalak prestatu eta gaitu ditzan.

Jardunaldi Teknikoen azken atalari esker, Euskadiko Zuraren Elkarteak eta erreferentziazko beste eragile komunitario batzuek parte hartzen duten Europako beste ekimen baten esparruan egindako lanak ezagutuko ditugu, baita zurezko eraikuntzaren sustapenaren esparruan egindakoak ere. Eguralt programari esker, irtenbide berritzaileak katalogatu eta zabalduko dira SUDOE eremuan altuera ertaineko zurezko eraikuntza sustatzeko. Horrela, klima-aldaketaren aurkako borroka globalari lagunduko zaio, jatorri iraunkor eta berriztagarriko material naturalen erabilera sustatuz..

Erreferentziazko euskal enpresen presentzia Egurteken
Pandemian izandako etenaldiaren ondoren, Egurtek BECeko Luxua aretoan izango da berriro, 70 enpresa baino gehiagoren presentziarekin. Baskegurrek gune berezi bat izango du gune horretan, euskal enpresek gaur egun zurezko eraikuntzan duten garrantziari eta Km0 produktuaren aldeko apustuari balioa emateko. Forora bertaratzen diren preskribatzaileekin harremanetan jartzeko aukera ezin hobea.
Euskadiko zuraren sektoreko enpresen gune taldekatuak diseinu berri bat izango du oraingo honetarako, beren lehiakortasuna eta kalitatea erakusten ari diren euskal enpresen teknifikazio- eta digitalizazio-irudia indartzeko, ospe handiko arkitektoek sinatutako erreferentziazko nazioarteko proiektuetan lan eginez.

EUTR araudia eta prestakuntza
Life Legal Wood proiektuaren helburua Europako zur-industriaren balio-kateetan zalantzazko jatorria duten zurak ez sartzea da, baso-soiltzeak jasaten ari diren eremuetatik datozelako edo beren merkataritzarekin gatazkak ordaintzen laguntzen dutelako, Errusiaren eta Bielorrusiaren kasuan bezala. Baskegur Zamudioko Parke Teknologikoan urriaren 18an jardunaldi praktiko bat egingo duen europar proiektu honen parte ere bada.

Baskegurrek Bilboko Ingeniarien Eskolarekin duen lankidetzari eusten dio, eta zurean egindako master amaierako proiektu onenari saria ematen dio urtero. Aurtengo saria ere urriaren 18an emango da, arratsaldeko bostetan. Ondoren, British Columbiako Iparraldeko Unibertsitateko irakasle Asif Iqbal doktoreak hitzaldi magistrala emango du.

Kontzientzia eta sentsibilizazioa
Gizarte osoari zuzendutako sentsibilizazio-ekimenen barruan, iaz Bilboko Basurtuko Unibertsitate Ospitaleko lorategietan aurki daitezkeen zuhaitz-espezieen mapa dibulgatzailea egin zen. Osakidetzarekin batera garatutako ekimena da eta konplexuaren ingurune naturalaz gozatzeko aukera ematen du. Aurten, Baskegurrek urrats berri bat emango du ekimenari balioa emateko eta mapa interaktibo bat garatuko du, parkea bisitatzen duten pertsonei espezie bakoitzaren Interneteko fitxak eskuratzeko aukera emango diena, telefono mugikorrak eta zuhaitz bakoitzaren
ondoan zurezko euskarrietan jarritako QR kodeak erabiliz. 2022ko Egurraren Astearen azken ekitaldia urriaren 22an izango da, larunbatean, Villabuenako (Araba) Bideona upategira egingo den bisitarekin. Arabako Errioxan km0 egurrarekin eraikitako azkenetarikoa da. Errioxako upeltegiak zuraren erabileraren adierazgarri garbiak dira, material hori erreferente bihurtu baita sektore osoarentzat, arkitekturako profesionalen eskakizunetara egokitzeko duen gaitasunagatik.
Instalazioetara bisita gidatua egin ondoren, bertako ardoak dastatu ahal izango ditugu, berezko nortasuna dutenak eta gure lehen sektorea defendatzeko tokiko baso-egur sektorearekin sinergiak batzen dituztenak.