Carrefour International du Bois 2026 azokan euskal baso-egurraren sektoreko stand bateratuaren zerbitzu integrala kontratatzeko lizitazioa
2026/03/25
2026ko martxoaren 25ean, Carrefour International du Bois 2026 (Nantes) azokan Baskegurrek taldean parte hartzeko standaren diseinu, fabrikazio, garraio, muntaketa eta desmuntaketa zerbitzuei dagokien kontratuaren esleipena ebatzi da.
Eskaintzak aurkezteko epea amaituta, proposamen baliodun bakarra jaso zen. Ezarritako prozeduraren arabera, proposamen hori ebaluatu da, eta eskatutako baldintza tekniko eta administratiboak betetzen direla egiaztatu da.
Era berean, egiaztatu da eskaintza ekonomikoki egokia dela lizitazioaren oinarrizko aurrekontuari dagokionez.
Ondorioz, kontratua honako enpresa honi esleitu zaio:
Exhibition Stand Design Decor, S.L.
125.763,20 €-ko zenbatekoa (BEZik gabe).
Esleipenaren ebazpen ofiziala beheko dokumentuan kontsulta daiteke.
Baskegurrek lizitazio-prozedura bat ireki du 2026ko Carrefour International du Bois azokarako Euskal Autonomia Erkidegoko baso-egur sektorearen stand bateratuaren diseinu, fabrikazio, garraio, muntaketa eta desmuntaketa zerbitzu integrala kontratatzeko. Egurraren industriarako erreferentziazko ekitaldi hau 2026ko ekainaren 2tik 4ra egingo da Nantesen (Frantzia).
Standa Exponantes erakustazokako Grand Palais pabiloian kokatuko da, gutxi gorabehera 216 m²-ko azalera duen gune batean. Espazio hori 6 x 12 metroko hiru erakusketa-uhartetan banatuko da, eta sektoreko hainbat enpresaren parte-hartze bateratua hartuko du, Madera del País Vasco / Bois Basque Country markaren pean.
Kontratuak, besteak beste, honako lan hauek barne hartzen ditu: standaren diseinu kontzeptuala eta teknikoa, egitura eta elementu eraikitzaileen fabrikazioa, erakustazokara garraiatzea, muntaketa eta desmuntaketa, eta ondoren standa Euskadira garraiatzea biltegiratzeko. Kontratu honen esparruan diseinatu, fabrikatu edo eskuratutako elementu guztiak Baskegurren jabetzara igaroko dira, enpresa esleipendunari dagokion ordainketa egin ondoren.
Lizitazioaren oinarrizko aurrekontua 130.000 €-koa da (BEZa kanpo).
Eskaintzen aurkezpena
Eskaintzak PDF formatuan soilik aurkeztu beharko dira, behar besteko ordezkaritza-ahalmena duen pertsonak behar bezala sinatuta, eta info@baskegur.eus helbide elektronikora bidalita.
Aurkezteko epea
Eskaintzak aurkezteko azken eguna 2026ko martxoaren 23a izango da.
Dokumentazioa
Interesa duten enpresek baldintzen agiri osoa ondoko estekan kontsulta dezakete: