Basogintza Atlantikoaren II. Topaketaren itxiera, Baskegurren presentziarekin

Aste honetan Santiago de Compostelan Fearmagak, Galiziako Zerrategien eta Egurrezko Errematatzaileen Enpresa Federazioak, antolatutako Makro Eskualde Atlantikoaren bigarren topaketaren amaiera ekitaldia burutu da.

Arku atlantikoko autonomia-erkidegoetako (Galizia, Asturias, Kantabria, Nafarroa eta Euskadi) basogintza sektoreko enpresa-erakundeak bildu ditu hitzorduak. Baskegurrek Oskar Azkarate zuzendari nagusiaren bitartez hartu du parte bileran. Halaber, Axencia Galega Industria Forestal (XERA), Nafarroako Egurraren Enpresarien Elkartea (Ademan), Lugoko Zuraren 1. Eraldaketako Enpresarien Elkarte Probintziala (Lugomadera), Egurraren eta Altzarien Enpresarien Kantabriako Elkartea (ACEMM) eta Egurraren eta Altzarien Enpresaburuen Asturiasko Elkartea (Asasasar) egon dira.

Jardunaldian, sektoreak aurre egin beharreko erronka askoren berri eman da. Gainera, neurri fitosanitarioak ezartzeko autonomia-erkidegoen arteko koordinazio handiagoa, mendietatik egurra ateratzeko administrazio-izapideak sinplifikatzea eta Europako araudia betetzeko prozesu errazagoak aldarrikatu dira. Era berean, talentu berria eta langile espezializatuak erakartzeko beharra edo EUDR araudia bezalako gaiak landu dira.