Baskegur Madrilen ospatutako UNEmaderaren Batzar Orokorrean parte hartu du
Baskegur, Federico Saiz presidentearen eta Oskar Azkarate zuzendari nagusiaren bitartez, Espainiako Egurraren eta Altzarigintzaren Enpresa Batasunaren (UNEmadera) Batzar Orokorrean parte hartu zuen, UNEren Madrilgo egoitzan. Urteroko bilera honek sektoreko elkarte eta enpresa nagusietako ordezkariak bildu zituen, industria zuzenean eragiten duten Europako araudi berrietara egokitzeko une giltzarrian.
Bilerako puntu nabarmenetako bat Deforestazioaren aurkako Europako Araudia (EUDR) aplikatzeko gida ofizialaren aurkezpena izan zen. UNEmaderaren EUDR Lantaldeak egindako dokumentua da, eta egurraren eta altzarigintzaren sektoreko enpresei orientazio praktikoa eskaintzea du helburu, Erkidegoko araudiak ezarritako behar bezalako arretaren eskakizun berriak betetzeko, batez ere sektoreko ETE eta mikroETEen esparruan.
Gida sektoreko aditu eta ordezkariekin lankidetzan garatu da, eta UDRaren ulermena eta ezarpena erraztu nahi du. Araudia laster jarriko da indarrean, eta eragin handia izango du baso-jatorriko produktuen hornikuntza-kateetan.
Batzarrean sektorearentzako gaurkotasun handiko beste gai batzuk ere jorratu ziren, hala nola jasangarritasunean, lanean eta prestakuntzan egindako aurrerapenak barne, baita UNEmaderaren datozen hilabeteetarako ildo estrategikoak ere.